سفارش تبلیغ
صبا ویژن
وبلاگ شخصی رحیم فخوری
 
قالب وبلاگ

آغلامازدیم زامان آغلاتدی منی

دوز یولوندان آزان آغلاتدی منی

گوردوم حسرتدی همالر سوموگه

ایشله ییر شاخدا سوموکدن ایلیگه

دوزوموزده اییلیر ایری لیگه

قالدی قانماز قانان آغلاتدی منی

آغلامازدیم زامان آغلاتدی منی

تک صبیر گلدی دئدیم ایش دوزه لر

قار گئدر، بوز ارییر یازدا گلر

نه بیلیم یازدا بوران باغری ده لر

یوخاچیخمیش گومان آغلاتدی منی

آغلامازدیم زامان آغلاتدی منی

دئدیلر بیر گون اولار ساز حالیمیز

قیتدیق اولسا واریمیز یاغ بالیمیز

ایندی کی اون تک اولوب ساققالیمیز

بو یالان سوز یامان آغلاتدی منی

آغلامازدیم زامان آغلاتدی منی

ظن ائدیردیم آغیر اولسا یارالار

یارالار آغریسین آنجاق یار آلار

نه بیلیدیم اوره گی یار یارالار

بیلمه مز لیکدی، قان آغلاتدی منی

آغلامازدیم زامان آغلاتدی منی

اره لر توشدو که جنگل جانینا

تولکی لر تور توخودو اصلانینا

طرلانی اووچی باتیر جاق قانینا

اوخدان آرتیق کامان آغلاتدی منی

آغلامازدیم زامان آغلاتدی منی

اری مز قالدی بیینده بوزوموز

گویده سایریشمادی بخت اولدوزوموز

نه قویون قالدی نه املیک قوزوموز

قوردا بنذر چوبان آغلاتدی منی

آغلامازدیم زامان آغلاتدی منی

من دئدیم باغلاسا یادلار قولومو

دایاقیم وار قورییا ساغ سولومو

قوپدی بیر چن که ایتیردیم یولومو

داغا باخدیم دومان آغلاتدی منی

آغلامازدیم زامان آغلاتدی منی

وای بیزه اولدی پوزولماز یازیمیز

مضراب اود توتدی قیریلدی سازیمیز

قالدی قیشلانمادا عاصم یازیمیز

یازی گول سوز یازان آغلاتدی منی

آغلامازدیم زامان آغلاتدی منی

استاد عاصم اردبیلی




گوستر اوزون کی سیر گلستانه گلمیشم

بیر زائرم زیارت جانانه گلمیشم

لطف ائله، ویرما، قهر داشین داغلی سینه مه

درگاهینه امیدله درمانه گلمیشم

ایللر بویو تحمل ائدیب هجر دردینه

بئش گون قوناق بو خانه احسانه گلمیشم

شرمنده یم اگر چی برازنده تحفه دنچ

جان نقدی الده، ملک سلیمانه گلمیشم

سن سیزلیگه دوزونمه میشم، گرچه قطره یم

مین شوقیلن قوشولماغا عمانه گلمیشم

کافر آدیلا گر چی قاپوندان قاوولمیشام

رحم ائیله باری، ایندی کی ایمانه گلمیشم

سیندیرمیشام جسارتیلن عقل سددینی

دیوانسرای عدلووه دیوانه گلمیشم

تا مهریلن غرور باشین ویرمیشام داشا

مهر نگاردن سر و سامانه گلمیشم

من عشق مجمرینده اوره کدن آلیشمیشام

تسکین درده، چشمه ی عرفانه گلمیشم

نیزار تک سیزیلتی چوکوب سوزلو سینه مه

هجران نوالی، منده نیستانه گلمیشم

عشق اهلی دیر، حقارتیلن باخما عاصمه

عالم بیلیر بو عرصه یه مردانه گلمیشم


[ یادداشت ثابت - جمعه 91/2/9 ] [ 4:19 عصر ] [ موضوعات ] [ نظرات () ]

 

دییللر سئوگیلیمین نازه چوخ علاقه سی وار

گوزل گوزللیقینا ناز ائدر بهانه سی وار

 

نگاریمین غمی مندندی من نگاریمیله

نگاریلن اولانین عومرو جاودانه سی وار

 

یارالی قوش کیمی قلبیمده آشیانه سالیب

یالاندی شایع اولوب آیری یئرده لانه سی وار

 

ائله کی صوبح آچیلیر غم گئدیر گزیر دولانیر

غروب اولاندا گلیر دیلده آشیانه سی وار

 

ییغیشمایین منیم ای آشنالریم باشیما

خطرلیدیر اوره گیم اوت توتوب زبانه سی وار

 

توکوب عذارینه زولفون گئدیر ووقاریلن

قویون دویونجا باخیم گرچه تازیانه سی وار

 

دایاندیریب صفه عاشیق لرین آلیر جانین

اونا هراس یوخ اولدورسه پشتوانه سی وار

 

اوغورلاییب دی کونلومدن دین و ایمانی

نه یئرده بیر اثر انگشت و نه نشانه سی وار

 

بو مجلیس ایچره دئیین جعفری ده یاد اولسون

اودا دیل اهلیدی چوخ شعرله ترانه سی وار

 

اوستاد هوشنگ جعفری

 


[ یادداشت ثابت - شنبه 91/2/3 ] [ 12:48 صبح ] [ موضوعات ] [ نظرات () ]

یارین بویون قوجاخلادیم یارآغلادی من آغلادیم

ییغشدی قونشولار بوتون جار آغلادی من آغلادیم

باشیندا قارلی داغلارا دانشدیم آیرلیق سوزون

بیر آه چکیب باشینداکی قار آغلادی من آغلادیم

طاریمدا نار آغاجلاری منی گوروب دانیشدیلار

بویومو زیتون اوشاخدی نار آغلادی من آغلادیم

ایله که اسدی بیر خزان تالاندی گوللیرم منیم

خبر چاتینجا بولبوله خار آغلادی من آغلادیم

اورک سوزون دئدیم تارا سیملر اولدی پارا پارا

یاواش یاواش سیزیلدادی تا آغلادی من آغلادیم

دئدیم کی حق منیم کی دیر باشیمی چکدیلر دارا

طنف سیخاندا بوینومو دار آغلادی من آغلادیم

جعفری یم بویوم بالا غم اورکده قالا قالا

یار جانمی آلا آلا یار آغلادی من آغلادیم

هوشنگ جعفری زنجانی

 


[ یادداشت ثابت - شنبه 91/2/3 ] [ 12:38 صبح ] [ موضوعات ] [ نظرات () ]

ارین بویون قوجاقلادیم یارآغلادی من آغلادیم
ییغیشدی قونشولار بوتون جار آغلادی من آغلادیم
باشیندا قارقالان داغا دانیشدیم آیرلیق سوزون
بیر آه چئکیب باشینداکی قار آغلادی من آغلادیم
طاریمدا نار آغاجلاری منی گوروب دانیشدیلار
بویومو زیتون اوخشادی نار آغلادی من آغلادیم
ائلئی که اسدی بیر خزان تالاندی گوللیرم منیم
خبر چاتینجا بولبوله خار آغلادی من آغلادیم
اورک سوزون دئدیم تارا سیملر اولدی پارا پارا
یاواش یاواش سیزیلدادی تار آغلادی من آغلادیم
دئدیم کی حق منیم کی دیر باشیمی چکدیلر دارا
طناب کسنده بوینومو دار آغلادی من آغلادیم
شعر:هوشنگ جعفری

ترجمه آزاد از ساری گلین:
یارم رو بغل کردم یار گریه کرد من گریه کردم
تمام همسایه ها جمع شدند همسایه گریه کرد و من گریه کردم
به کوه پر برف  حرف از جدائی زدم
آهی کشید و برفهایش گریه کردند و من گریه کردم
درختان انار طارم مرا دیدند و هم صحبت شدند
زیتون برایم زاری کرد انار گریه کرد و من گریه کردم
آنگاه که باد خزان وزید گلهایم پرپر شدند
تا خبر به بلبل رسد خار گریه کرد و من گریه کردم
حرف دل رو به تار گفتم سیم هایش پاره پاره گشت
اروم آروم ناله کرد و تار گریه کرد و من گریه کردم
گفتم حق با من است سرم و به دار کشیدند
طناب وقتی گلویم را می برید دار گریه کرد و من گریه کردم


[ یکشنبه 91/2/3 ] [ 12:19 عصر ] [ موضوعات ] [ نظرات () ]
امکانات وب


بازدید امروز: 0
بازدید دیروز: 1
کل بازدیدها: 9095